ཆོས་ལུགས་ཀྱི་བྱེད་སྒོ།

2016-07-20 ཆབ་རྒྱལ་སྲས།

 ༄༅། །དཔལ་ཇོ་བོ་གཟེ་རྒྱལ་གྱི་གནས་ཀྱི་རྟོགས་པ་བརྗོད་པ་ཡིད་འཕྲོག་དྲི་ཟའི་རོལ་མོ་ཞེས་བྱ་བ་བཞུགས་སོ།།

ཡིག་འབྲི་བ། ཕན་ཤུལ་འཆི་མེད་དབང་འདུས།

ན་མོ་གུ་རུ་པད་མ་སམ་བྷ་ཝ།

སྣང་མཐའི་ཐུགས་སྲོག་ཧྲཱིཿཡིག་ཞུ་བའི་ཁམས།།
ལྷོ་ནུབ་འོ་མའི་གླིང་དུ་བལྟམས་པའི་འཕྲུལ།།
རྒྱལ་ཀུན་གསང་གསུམ་མཚན་དཔེའི་ཟླ་གཞོན་དུ།།
སྣང་མཛད་མཚོ་སྐྱེས་བླ་མས་བདག་སོགས་སྐྱོངས།།

བརྒྱད་ཁྲི་བཞི་སྟོང་ཆོས་ཀྱི་དབྱངས་སྙན་པོ།།
བཻཌཱུར་རྒྱུད་མང་སྐུད་པར་འདྲེན་པའི་གླུས།།
ཟབ་མོའི་དེ་ཉིད་སྟོན་མཁས་མཛའ་ན་མོ།།
མཚོ་བྱུང་ལྷ་ཁྱོད་བདག་མགྲིན་ཁབ་ཏུ་རོལ།།

རང་བྱུང་ཆུ་ཤེལ་ནོར་བུས་མཛེས་པ་ཡི།།
མངོན་དགའི་ཞིང་མཚུངས་གཟེ་རྒྱལ་གངས་ཀྱི་རིའི།།
ཁྱད་འཕགས་ཡོན་ཏན་སྨྲ་བའི་ལྕེ་རྩེ་འདི།།
མི་ངལ་གསུང་གི་རྡོ་རྗེར་བྱིན་གྱིས་རློབས།།