རྩོམ་པ་པོ། གངས་ཆུ་ཐིགས།（རི་བོ་ཆེ）
འདི་ལ་བྱ་ཚིག་གི་རྣམ་གཞག་སྤྱིར་བཤད་པ་དང་། བྱ་བྱེད་ཐ་དད་མིན་སོགས་ཀྱི་སྐོར་ལ་མཁས་པ་གཞན་གྱི་འདོད་ཚུལ་བཀོད་ཅིང་དེ་ལ་དོགས་པ་སློང་བ་དང་། དེ་དག་གི་སྐོར་ལ་རང་གི་བསམ་ཚུལ་བརྗོད་པ་དང་གསུམ་གྱིས་གཏན་ལ་འབེབས་པར་འདོད་དོ། །
དང་པོ། བྱ་ཚིག་གི་རྣམ་གཞག་སྤྱིར་བཤད་པ་ནི།
དེ་ཡང་ཐོག་མར་བྱ་ཚིག་འདི་ཉིད་གང་ལ་བལྟོས་སའམ་གང་ལས་འབྱུང་སའི་གཞི་ལྟ་བུར་གྱུར་པ་བྱ་བྱེད་ལས་གསུམ་གྱི་གོ་དོན་ཅུང་ཟད་གླེང་ན།
(དེ་ལས་མང…)
གནའ་བོའི་མཆོད་གནས་གཤེན་རབ་ཀེ་ལ་ཤའི།།
ཐུགས་བསྐྱེད་ཁ་འབབས་རྣམས་བཞི་ལས་འོང་བའི།།
བོན་རྩིས་སྨན་དང་ཕྱྭ་གཡང་དག་བྱེད་གཏེར།།
གངས་ལྗོངས་ཕན་བདེའི་དབྱིག་འཛིན་ཨེ་མ་རྨད།།
སྤྲུལ་པའི་ལོ་པཎ་མཁས་ཤིང་གྲུབ་བརྙེས་ཀྱིས།།
ལེགས་བསྒྱུར་མདོ་སྔགས་སྤྱི་དང་ནང་བརྒྱུད་གསུམ།།
ཁྱད་པར་སེམས་ཀློང་མན་ངག་སྲོལ་འཛིན་པའི།།
སྔ་འགྱུར་གདུགས་མཛེས་བསིལ་ལྡན་བླ་རུ་བརྗིད།།
ན་རོ་མཻ་ཏྲིའིགདམ་ཟབ་བདུད་རྩིའི་རྒྱུན།།
མར་རྔོག་ཡབ་སྲས་ཐུགས་ཀློང་ལེགས་བསྐྱིལ་བའི།།
ཕྱག་ཆེན་སྙན་བརྒྱུད་སྐྱེ་ལྔའིསྒྲ་དབྱངས་ཀྱིས།།
ས་གསུམ་ཁྱབས་མཛད་འགྲོ་མགོན་བཀའ་བརྒྱུད་རྒྱལ།།
2016-07-20 ཆབ་རྒྱལ་སྲས།
༄༅། །དཔལ་ཇོ་བོ་གཟེ་རྒྱལ་གྱི་གནས་ཀྱི་རྟོགས་པ་བརྗོད་པ་ཡིད་འཕྲོག་དྲི་ཟའི་རོལ་མོ་ཞེས་བྱ་བ་བཞུགས་སོ།།
ཡིག་འབྲི་བ། ཕན་ཤུལ་འཆི་མེད་དབང་འདུས།
ན་མོ་གུ་རུ་པད་མ་སམ་བྷ་ཝ།
སྣང་མཐའི་ཐུགས་སྲོག་ཧྲཱིཿཡིག་ཞུ་བའི་ཁམས།།
ལྷོ་ནུབ་འོ་མའི་གླིང་དུ་བལྟམས་པའི་འཕྲུལ།།
རྒྱལ་ཀུན་གསང་གསུམ་མཚན་དཔེའི་ཟླ་གཞོན་དུ།།
སྣང་མཛད་མཚོ་སྐྱེས་བླ་མས་བདག་སོགས་སྐྱོངས།།
བརྒྱད་ཁྲི་བཞི་སྟོང་ཆོས་ཀྱི་དབྱངས་སྙན་པོ།།
བཻཌཱུར་རྒྱུད་མང་སྐུད་པར་འདྲེན་པའི་གླུས།།
ཟབ་མོའི་དེ་ཉིད་སྟོན་མཁས་མཛའ་ན་མོ།།
མཚོ་བྱུང་ལྷ་ཁྱོད་བདག་མགྲིན་ཁབ་ཏུ་རོལ།།
རང་བྱུང་ཆུ་ཤེལ་ནོར་བུས་མཛེས་པ་ཡི།།
མངོན་དགའི་ཞིང་མཚུངས་གཟེ་རྒྱལ་གངས་ཀྱི་རིའི།།
ཁྱད་འཕགས་ཡོན་ཏན་སྨྲ་བའི་ལྕེ་རྩེ་འདི།།
མི་ངལ་གསུང་གི་རྡོ་རྗེར་བྱིན་གྱིས་རློབས།།